Kronikë

Plagosi me armë 25-vjeçarin në Durrës, arrestohet autori, i zbulohen edhe dy ngjarje të rënda kriminale (Emri)

Policia e Durrësit ka zbardhur dhe dokumentuar plagosjen e 25-vjeçarit, të ndodhur dy ditë më parë.

Policia ka arrestuar autorin e plagosjes, shtetasin Hamdi Llana, i cili siç raportohet rezulton me precedente penalë te meparshëm.

31-vjeçari ka plagosur me armë zjarri shtetasin Ilges Spaneshi, ndërsa edhe më herët është dënuar për dy plagosje. Më 2015, ai është dënuar me 2 vite e 18 ditë burg për veprën penale “Plagosja e rëndë me dashje”, ndërsa më 2014, pas një konflikti për motive te dobëta ka goditur me thikë 33-vjeçarin me iniciale N.B dhe 26-vjeçarin me iniciale F.H., duke ju shkaktuar dëmtime serioze për jetën.

Njoftimi i policisë:

Zbardhet dhe dokumentohet ngjarja e ndodhur më datë 08.08.2021, ku mbeti i plagosur me armë zjarri një 25-vjeçar.

Kapet dhe ndalohet autori i kësaj ngjarje, i cili ishte shpallur në kërkim për veprat penale “Vrasja me dashje” mbetur ne tentativë dhe “Armëmbajtja pa leje”.

Shërbimet e Komisariatit të Policisë Durrës, në bashkëpunim me strukturat e DVP Durrës dhe Prokurorinë e Rrethit Gjyqësor Durrës, pas një pune hetimore profesionale, bënë të mundur kapjen dhe ndalimin e shtetasit H. Ll., 31 vjeç, banues në Durrës.

Ky shtetas, më datë 08.08.2021, në orën 23:40, në lagjen nr.18, Durrës, pas një konflikti për motive të dobëta, ka tentuar të vrasë me armë zjarri shtetasin I. S., 25 vjeç, i cili si pasojë e të shtënave është plagosur në këmbë. 25-vjeçari ndodhet në spital, nën kujdesin e mjekëve, jashtë rrezikut për jetën.

Materialet i kaluan Prokurorisë së Rrethit Gjyqësor Durrës, për veprime të mëtejshme.

Click to comment

You must be logged in to post a comment Login

Leave a Reply

To Top