Kryetarja e Dhomës së SHBA, Nancy Pelosi ka bërë thirrje për një bojkotim diplomatik të Lojërave Olimpike Dimërore të vitit të ardhshëm në Pekin, për shkak të shqetësimeve mbi abuzimet e të drejtave të njeriut.
Ndërkohë që sportistët duhet të marrin pjesë, zonja Pelosi tha se krerët e shteteve nuk duhet të marrin pjesë.
Zonja Pelosi tha se SHBA nuk mund të vazhdonte sikur gjithçka ishte në rregull me Lojërat Olimpike që po mbaheshin në Kinë.
Ajo është politikania e fundit amerikane që bën thirrje për bojkot për shkak të trajtimit të ujgurëve myslimanëve.
Kina besohet të ketë arrestuar më shumë se një milionë ujgurë dhe myslimanë të tjerë në Xinjiang, një rajon i madh në Kinën veri-perëndimore.
Shumica e të arrestuarve në Xinjiang dërgohen në ambientet e “riedukimit” – kampe të ngjashme me burgun ku mbahen për periudha të pacaktuara kohore pa asnjë akuzë.
