Pasaporta e Shqiperisë renditet në vendin e 52-të për nga rëndësia, por vende në rajon lëmë pas vetëm Kosovën. Madje edhe Moldavia ka një pasaportë më të fuqishme se Shqipëria.
Sipas indeksit të Henley për fuqinë e pasaportave, Shqiptarët mund të lëvizin në 114 vende, në disa pa vizë, ose me vizë në pikën e hyrjes së një vendi tjetër. Pasaporta serbe është më e fuqishmja në Ballkan për nga vendet që nuk janë anëtare të Bashkimit Europian.
Serbia renditet në vendin e 38-të, duke mundur të udhëtojnë pa viza edhe në Kinë, Rusi apo Japoni, vende të cilat shqiptarët nuk mund t’i vizitojnë pa vizë.
Edhe pasaportat e Maqedonisë së Veriut, Malit të zi apo Bosnje Hercegovinës janë më të forta se pasaporta e Shqiperisë. Vendi me pasaportën më të fortë në botë është Japonia pasuar nga Singapori dhe në vendin e tretë Gjermania.
