Kronikë

Një tjetër fermer nga Zejmeni rrezikon t’i vërë zjarrin fshatit

Një tjetër banor nga Zejmeni i Lezhës ka rrezikuar t’i vërë zjarrin fshatit për një grusht plehrash që vendosi të digjte. Policia e Lezhës e procedoi 67-vjeçarin L.M, që e bëri shkrum një siëprfaqe me barishte dhe pemë.

Sipas Policisë, L.M, banues në fshatin Zejmen ,Lezhë, ka ndezur zjarr në afërsi të banesës së tij, për djegien e mbeturinave, po zjarri i ka dalë jashtë kontrollit duke djegur një sipërfaqe me barishte dhe peme në kodrën e fshatit.

Më 13 gusht, Policia arrestoi bashkëfshatarin e tij, 52-vjeçarin Petrit Leka,  pasi zjarri me të cilin dogji mbeturinat pranë shtëpisë, çoi në djegien e një sipërfaqeje të madhe me barishte dhe kullota. Shërbimet e Policisë, në bashkëpunim me zjarrfikësen, kanë bërë të mundur shuarjen e flakëve, duke parandaluar përhapjen e zjarrit i cili rrezikonte disa banesa dhe lokale, si dhe automjetet, pasi ishte anës rrugës kryesore në aksin Lezhë-Milot.

Drejtoria Vendore e Policisë Lezhë u bëri apel banorëve  që në asnjë rast të mos shkaktojnë zjarrvënie, pasi do të përballen me ligjin. Policia ftoi qytetarët që të denoncojnë në numrin 112 dhe Komisariatin Dixhital.

Click to comment

You must be logged in to post a comment Login

Leave a Reply

To Top