Bota

Në pritje të ëmbël, bashkëshortja e kryeministrit britanik vaksinohet kundër Covid-19

Carrie Johnson ka thënë se “ndihet shkëlqyeshëm” pasi mori dozën e dytë të vaksinës anti-Covid. Ajo gjithashtu inkurajoi gratë e tjera shtatzëna të merrnin vaksinën.

Kur filloi programi i vaksinimit në Mbretërinë e Bashkuar, këshilla fillestare për gratë shtatzëna ishte ta shmangnin vaksinën për momentin. Por kur të dhënat e sigurisë u bënë të disponueshme, këshillat ndryshuan duke inkurajuar gratë shtatzëna që të vaksinohen, veçanërisht sepse infektimi me Covid mund të jetë shumë i rrezikshëm për nënat në pritje.

33-vjeçarja, shkroi në një postim në Instagram se sapo mori dozën e dytë dhe u ndje shumë mirë!

“Unë e di se ka shumë gra shtatzëna që janë në ankth për marrjen e vaksinës kundër Covid, por provat janë tepër siguruese. Më e rëndësishmja, të dhënat tregojnë se nuk ka rrezik të shtuar të abortit, diçka për të cilën isha shumë e shqetësuar,” -shkroi ajo.

Johnson pësoi një abort në fillim të vitit 2021, për të cilin tha se mbeti “zemërthyer”. Ajo shtoi se ndihej e bekuar që ishte përsëri shtatzënë.

Click to comment

You must be logged in to post a comment Login

Leave a Reply

To Top