Kronikë

Kultivonin kanabis përreth banesës së tyre, “Shqiponjat” arrestojnë babë e bir në Fier (Emrat)

Policia e Fierit dhe Forcat e Posaçe “Shqiponja” kanë finalizuar një tjetër operacion për goditjen e veprimtarisë kriminale në fushën e narkotikëve.

Gjatë operacionit të koduar “Kuman” kanë rënë në pranga babë e bir, përkatësisht shtetasit Ylli Shurdha dhe Mikel Shurdha, si dhe janë sekuestruar lëndë narkotike kanabis dhe findanë narkotikë.

Njoftimi i policisë:

Në vijim të punës për parandalimin e kultivimit të bimëve narkotike dhe goditjeve kundër aktivitetit kriminal në fushën e prodhimit dhe shpërndarjes së lëndëve narkotike, bazuar në informacionet e siguruara në rrugë policore, strukturat e Drejtorisë Vendore të Policisë Fier bënë të mundur finalizimin me sukses të operacionit policor të koduar “Kuman”.

Në kuadër të këtij operacioni, u arrestuan në flagrancë shtetasit Y. Sh., 60 vjeç dhe M. Sh., 34 vjeç (babë e bir), banues në Kuman, Roskovec.

Arrestimi i këtyre shtetasve u bë pasi gjatë kontrollit të ushtruar në territorin e banesës së tyre, iu gjetën dhe sekuestruan në cilësinë e provës materiale 2.3 kg lëndë narkotike cannabis sativa dhe fidanë të dyshuar cannabis sativa.

Materialet procedurale i kaluan Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e narkotikëve” dhe “Kultivimi i bimëve narkotike”.

Click to comment

You must be logged in to post a comment Login

Leave a Reply

To Top