Kronikë

EMRAT/ Plagosje me armë gjahu në Vlorë, arrestohet autori i dyshuar

Një person është plagosur me armë gjahu këtë të hënë në Vlorë.

Ngjarja ka ndodhur në vendin e quajtur “Lumi i Kripës”, në afërsi të fshatit Dëllënjë, ku sipas bluve, ka mbetur i plagosur shtetasi Viktor Hyso.

Forcat e policisë kanë bërë të mundur identifikimin e autorit të dyshuar.

“Falë reagimit në kohë dhe punës profesionale u bë e mundur shoqërimi i autorit të dyshuar, shtetasit Sotir Gjonçari, 58 vjeç, banues në Delisuf, i cili gjatë një konflikti të çastit, për motive të dobëta, dyshohet se ka plagosur me armë gjahu çifte, shtetasin Viktor Hyso, 55 vjeç, banues në Novosel, i cili ndodhet jashtë rrezikut për jetën.

Në cilësinë e provës materiale u sekuestrua arma e gjahut çifte (të cilën ky shtetas e posedonte me leje).

Shtetasi Sotir Gjonçari, u shoqërua në Komisariatin e Policisë Vlorë për kryerjen e veprimeve të mëtejshme procedurale hetimore”, tha policia.

Click to comment

You must be logged in to post a comment Login

Leave a Reply

To Top