Belgjika pret një biletë për në çerekfinale.
Portugalia u mposht 1-0 nga belgët në ndeshjen e vlefshme për fazën e 1/8-ave në Kampionatin Europian.
Dy Kombëtaret janë duke zhvilluar super ndeshje dhe kanë provuar të gjejnë golin nga minuta e parë. Diogo Jota nga afërsia dhe Cristiano Ronaldo nga gjuajtja e lirë, provuan për Portugalinë e cila ishte e pafat. Ndërkohë, Belgjika gjeti golin me anë të Thorgan Hazard. Sulmuesi belg realizoi supergol nga diagonalja duke e lënë të “ngrirë” portierin kundërshtar.
Në pjesën e dytë, Portugalia dominoi në të gjitha aspektet.
Kampioni i Europës krijoi shumë aksione por pa sukses. Ruben Dias ishte shumë pranë golit me kokë, kurse Guerriero goditi shtyllën. Deri në sekondat e fundit lojta kishte emocione por Ronaldo largohet kokulur nga “La Cartuja” të Sevillas.
Belgjika në çerekfinale do të përballet me Italinë.
