Kosove

Dy shqiptarë kapen në kufirin e Kosovës me 9 kg kokainë, po e transportonin me makinë. Ja ku e kishin fshehur (FOTOT)

Dy shtetas shqiptarë janë arrestuar në pikën kufitare të Vërmicës, pasi kanë tentuar të transportojnë drejt Kosovës një sasi prej 9 kg kokaine.

Sipas policisë së Kosovës, operacioni është zhvilluar mbrëmjen e djeshme, ku një automjet Peugeot me targa shqiptare është përzgjedhur për kontroll të detajuar.

Brenda në makinë ndodheshin dy shtetas shqiptarë, të cilët u arrestuan. Pas skanimit të automjetit, rezultoi se në sediljen e pasme ishte fshehur sasia e lëndës narkotike prej 8 kg e 800 gram.

Operacioni u zhvillua në bashkëpunim me Doganën dhe policinë e Kosovës si dhe asistenca e ofruar nga autoritetet e Shqipërisë.

Njoftimi i policise se Kosoves
Kapen rreth nëntë (9) kg, substancë narkotike të dyshuara për kokainëVermicë, më 8 shtator 2021 Si rezultat i punës dhe bashkëpunimit të autoriteteve të përfshira në MIK (menaxhimi i integruar i kufirit), mbrëmë gjatë kontrolleve policore dhe doganore është parandaluar kontrabanda e rreth nëntë (9) kg, substancë narkotike që dyshohen të jetë e llojit kokainë, si dhe janë arrestuar dy (2) persona të dyshuar për veprën penale “ Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”. Me datën 07.09.2021, rreth orës 21:45 në pikë kalimin kufitar Vërmicë ka arritur një automjet (pezho) me targa të republikës së Shqipërisë, në të cilën gjendeshin dy persona meshkuj me shtetësi të Shqipërisë, ku pas dyshimeve të ngritura vetura është selektuar për kontrolle. Vetura është dërguar në vijën e dytë të kontrollit së bashku me Doganën e Kosovës, gjithashtu në bashkëpunim me autoritetet kufitare të Shqipërisë në bazë të dyshimeve të bazuara automjeti është dërguar për skanim, imazhet e skanimit kanë dhënë indikacione për hapësirë të fshehur post fabrikat nën ulësen e pasme.Pas hapjen së ulëses së pasme është gjetur bunkeri, në të cilin janë gjetur nëntë (9) paketime me substancë narkotike që dyshohet të jetë kokainë, me sasi prej 8 kg, e (800.74) gram. Bashkëpunimi në mes të Doganës dhe policisë së Kosovës si dhe asistenca e ofruar nga autoritetet e Shqipërisë, ka rezultuar me zbulimin dhe parandalimin e këtij rasti.Lidhur me rastin janë njoftuar njësitet relevante policore si dhe prokurori i rastit, me vendim të të cilit personat e dyshuar janë dërguar në mbajtje.

Click to comment

You must be logged in to post a comment Login

Leave a Reply

To Top