Një koncert që DMX kishte planifikuar muajin e ardhshëm po kthehet në një ngjarje përkujtimore për reperin e ndjerë.
Ikona e hip-hopit vdiq në fillim të këtij muaji pasi u shtrua në spital për një sulm në zemër të shkaktuar nga mbidoza.
Ai qëndroi për një javë në kujdesin intensiv, ku dhe ndërroi jetë në moshën 50-vjeçare.
Koncerti, të cilin reperi kishte planifikuar ta mbante në Texas më 29 Maj, tashmë do të kthehet në një shfaqje përkujtimore për nder të tij.
Burimet kanë konfirmuar se do të shfaqet dhe një titull i shquar për të ndjerin, si dhe pritet të marrin pjesë Busta Rhymes, Snoop Dogg dhe Trae Tha Truth.
DMX gjithashtu do të nderohet në një përkujtimore publike në Brooklyn këtë fundjavë.
Ngjarja pritet të zhvillohet një ditë para varrimit të DMX, e cila do të marrë formën e një shërbimi privat të mbajtur në një kishë në zonën e qytetit të New York-ut.
Aktualisht, detaje të mëtejshme ende nuk janë konfirmuar, përfshirë mënyrën se si do të organizohet biletimi dhe sa fansa do të lejohen të marrin pjesë.
Barclays Center është e hapur, por aktualisht mund të ketë vetëm 10 përqind të kapacitetit të zakonshëm për shkak të kufizimeve prej pandemisë.
Sipas TMZ, kryebashkiaku i Yonkers, Mike Spano po planifikon të përkujtojë reperin në një farë forme, me plane të mundshme duke përfshirë një statujë të përhershme ose emërimin e një rruge me emrin e tij
