Kronikë

Dhunë, vjedhje, mosdeklarim parash e falsifikim dokumentesh. Policia e Tiranës në aksion, vendosen në pranga disa shtetas

Policia e Tiranës ka finalizuar gjatë 24 orëve të fundit një sërë arrestimesh.

Në njoftimin zyrtar të Policisë, thuhet se Arben Kacos, 52-vjeç është arrestuar pasi Gjykata e Shkallës së Parë Tiranë, e ka dënuar me 4 vite burg, për veprën penale “Fshehja e të ardhurave”. Gjithashtu në pranga ka rënë dhe Mario Prenga, 24 vjeç, pasi Gjykata e Rrethit Gjyqësor Tiranë, e ka dënuar me 6 muaj burg, për veprën penale “Falsifikimi i letërnjoftimeve, pasaportave apo vizave”.

Gjithashtu në pranga janë vendosur edhe shtetas të tjerë, të akuzuar për vepra të ndryshme penale, përfshirë dhunë, e vjedhje.

Njoftimi i plotë i Policisë:

Nga specialistët për Hetimin e Krimit Financiar dhe Ekonomik u bë ndalimi i shtetasve:

Arben Kacos., 52 vjeç, ( i kapur nga sherbimet e Policisë Kavajë) pasi Gjykata e Shkallës së Parë Tiranë, e ka dënuar me 4 vite burg, për veprën penale “Fshehja e të ardhurave”;

Mario Prenga., 25 vjeç, sepse Gjykata e Rrethit Gjyqësor Tiranë, e ka dënuar me 6 muaj burg, për veprën penale “Falsifikimi i letërnjoftimeve, pasaportave apo vizave”.

Specialistët për Hetimin e Krimit në Komisariatin e Policisë Nr.2 bënë arrestimin në flagrancë të shtetasit M. Q., 43 vjeç, pasi ka ushtruar dhunë fizike dhe psikologjike ndaj bashkëshortes së tij.

Nga specialistët për Hetimin e Krimit në Komisariatin e Policisë Nr.6 u bë arrestimi në flagrancë i shtetasve:

I. H., 17 vjeç dhe E. L., 19 vjeç, pasi në Yrshek, për motive të dobëta, kanë goditur me një mjet prerës shtetasin e mitur me iniciale A. Ç., 17 vjeç, i cili ndodhet në spital, nën kujdesin e mjekëve;

J. N., 23 vjeç, pasi gjatë natës në Astir, ka vjedhur mjetin tip “Toyota” dhe më pas e ka shitur për skrap.

Specialistët e Qarkullimit Rrugor bënë arrestimin në flagrancë të shtetasve:

A. H., 29 vjeç, B. A., 47 vjeç dhe A. R., 24 vjeç, pasi u kapën duke drejtuar mjetet përkatëse në gjendje të dehur;

D. Gj., 28 vjeç, pasi u kap duke drejtuar mjetin pa lejen përkatëse. Gjithashtu ky shtetas ka qenë i shpallur në kërkim për veprën penale “Mashtrimi”.

•Më datë 09.06.2021, u referuan materialet në Prokurorinë pranë Gjykatës së Shkallës së Parë Tiranë, për shtetasin A. D., 36 vjeç, sepse në rrugën “5-Maj”, për motive të dobëta, ka goditur me mjete të forta shtetasin D. Xh., 39 vjeç, i cili pasi ka marrë ndihmën mjeksore në spital, u largua për në banesë. Punohet për kapjen dhe shoqërimin e shtetasit A. D.

Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.

Click to comment

You must be logged in to post a comment Login

Leave a Reply

To Top