Drilon Iseni, Drejtor i Oda Ekonomike e Maqedonisë shpjegon sesi është klima e biznesit në Maqedoninë e Veriut.
Iseni shprehet se bizneset e huaja janë të favorizuara dhe nga ana tjetër qeveria po bën hapa lehtësuese për një ringritje të ndërmarrjeve në vështirësi.
“Situata pas pandemisë ka qenë e vështirë. Sot ka qindra biznese të mbyllura. Investitorë nga Shqipëria dhe Kosova po zgjedhin Maqedoninë e Veriut sepse ka lehtësi nga politikat fiskale. Qeveria po fokusohet në sektorët strategjikë”
Duket se Maqedonia e Veriut është kthyer në një “shqetësim” edhe për qeverinë shqiptare.
“Pak ditë më parë kisha një takim me një zyrtar të lartë shqiptar i cili më pyeti sesi është situata në Maqedoninë e Veriut. Ja shpjegova që ka shumë biznese që janë mbyllur si në Shqipëri por klima është pozitive me ndihmën dhe lehtësitë e duhura”.
