Bruksel -Një avokat i Bashkimit Evropian akuzoi AstraZeneca të mërkurën për mosrespektimin e kontratës së saj me bllokun 27 vendesh për furnizimin e vaksinave COVID-19 dhe i kërkoi një gjykate belge të vendoste një gjobë të madhe për kompaninë.
BE e çoi firmën anglo-suedeze në gjyq në prill pasi prodhuesi i barnave tha se do të synonte të jepte vetëm 100 milionë doza të vaksinës së saj deri në fund të qershorit, në vend të 300 milionë dozave të parashikuara në kontratën e furnizimit.
Brukseli dëshiron që kompania të dorëzojë të paktën 120 milionë vaksina deri në fund të qershorit.
AstraZeneca kishte shpërndarë 50 milionë doza në fillim të majit, vetëm një e katërta e 200 milionë vaksinave të parashikuara në kontratë deri atëherë.
“AstraZeneca as nuk u përpoq të respektojë kontratën,” i tha avokati i BE, Rafael Jafferali një gjykate në Bruksel në seancën e parë mbi përmbajtjen e çështjes ligjore.
Ai tha se BE kërkonte 10 euro (12,2 dollarë) për çdo ditë vonesë për secilën dozë si kompensim për mosrespektimin nga AstraZeneca të kontratës.
Kjo mund të arrijë deri në 200 milionë euro (244 milionë dollarë) në ditë nga 1 korriku, siç avokati i I AstraZeneca, Hakim Boularbah i tha gjykatës, duke i kërkuar gjykatësit ta rishikojë këtë në rast të një vendimi negativ.
Jafferali tha se BE po kërkonte një dënim shtesë prej të paktën 10 milionë euro për çdo shkelje të kontratës që gjykatësi mund të vendosë.
Seanca tjetër është më 4 qershor e ndjekur nga një vendim i cili pritet diku më vonë atë muaj.
“Kjo nuk është kontratë për këpucë”
“Kjo nuk është një kontratë për shpërndarjen e këpucëve ose bluzave,” tha Boularbah, duke theksuar kompleksitetin e prodhimit të një vaksine të re.
Akuzat e BE ishin “tronditëse”, tha Boularbah, duke vënë në dukje se kompania I kishte formuluar objektivat e saj të shpërndarjes bazuar në vlerësimet e hershme të kapacitetit të prodhimit. Ai shtoi se vaksina ishte shitur në kosto.
AstraZeneca ka thënë në mënyrë të përsëritur se kontrata nuk ishte detyruese pasi ajo ishte zotuar vetëm të bënte “përpjekjet më të mira të arsyeshme” në shpërndarjen e dozave.
