Kronikë

Atentati në Shkodër/ Vritet Bardhok Planaj me precedentë penalë të mëparshëm


Ngjarja ka ndodhur në lagjen “Dobraç”, pak metra larg shtëpisë së tij. Një atentat i mirëfillte pasi viktimën e kanë ndjekur për rreth 150 metra dhe në një moment kanë ecur paralelisht me të duke e qëlluar.

Rreth 30 plumba u gjetën në trupin e viktimës pas ekspertizës mjekoligjore.

Afër vendit të ngjarjes ku u ekzekutua Planaj është konstatuar një makinë e djegur brenda së cilës janë gjetur dhe 2 armë të cilat dyshohet se janë të autorëve.

Planaj njihej në Shkodër pasi ishte dënuar me burgim në mungesë në 2014-ën nga Gjykata e Rrethit Shkodër për tre vepra penale: “Pastrim parash”, “Falsifikim dokumentesh” dhe “Ndërtim pa leje”.

Gjithashtu Planaj, ishte i skeduar nga policia si një person që merrej me trafikimin e lëndëve narkotike. 46 vjeçari dyshohet si i përfshirë në operacionin e quajtur “laguna e Vilunit të zhvilluar më datë 30 shtator 2014, në vendin e quajtur “Rana e Hedhun” midis Lagunës së Vilunit dhe Shëngjinit, shërbimet e policisë kufitare dhe ato të Guardia di Finanza, panë të hidheshin nga një mjet lundrues, në det çanta të zeza në përmasa të mëdha.

Pasi u nxorën nga deti, rezultoi se brenda thasëve kishte drogë me peshë 210 kg. Të nesërmen e asaj date, në vendin e quajtur Grykëderdhja e Bunës në Velipojë, forcat e policisë kufitare gjetën të hedhura në det edhe 15 çanta të tjera me peshë 594 kg. Koka i trafikut u dyshua pikërisht biznesmeni Bardhok Planaj.

Click to comment

You must be logged in to post a comment Login

Leave a Reply

To Top