Në Nigeri janë shfaqur disa raste të kolerës, ndërkohë që vendi po lufton me numrin e rritur të rasteve me COVID-19.
Bashir Lawan Muhammad, epidemiologu shtetëror dhe zëvendës drejtori i shëndetit publik për qendrën ekonomike veriore Kano State, i tha agjencisë “Reuters” se në dy javët e fundit rastet me kolerë janë shtuar.
Situata përkeqësohet akoma më tej për shkak të shirave dhe luftës në veri, ku autoritetet po luftojnë me militantët islamikë dhe kriminelët e armatosur.
Njëzet e dy nga 36 shtetet e Nigerisë, si dhe territori i kryeqytetit federal Abuja, kanë raste të dyshuara të kolerës, sipas Qendrës së Nigerisë për Kontrollin e Sëmundjeve (NCDC). Sëmundja, e cila shkaktohet nga uji i kontaminuar, mund të vrasë brenda pak orësh nëse nuk trajtohet.
Rritja është përqendruar në veri të vendit, ku sistemet shëndetësore janë më pak të përgatitura.
Të paktën 186 njerëz kanë vdekur në Kano nga kolera që nga marsi, tha Muhamedi. Shteti përbën pjesën më të madhe të 653 vdekjeve të kolerës të regjistruara në vend në tërësi nga NCDC. Shtetet e afërta veriore Bauchi dhe Jigawa janë gjithashtu ndër më të goditurat, sipas NCDC.
