Sociale

“ABC…” në shqip dhe anglisht, 7-vjeçarët shqiptarë së shpejti…bilingual! Anglishtja tashmë lëndë e detyrueshme në të gjithë shkollat publike

Nga 13 shtatori i këtij viti të gjithë nxënësit që do ulen për herë të parë në bankat e shkollës krahas shqipes do marrin edhe bazat e gjuhës angleze. Mesa duket vendosja e anglishtes si lënde e detyrueshme që klasë të parë nuk ngeli vetëm premtim elektoral.

“Gjuha angleze do te mësohet kudo, në të gjitha shkollat e vendit që në klasën e parë”,-u shpreh Kryeminisri Rama gjatë prezantimit të programit për arsimin më datë 16 mars 2021.

Për ta bërë të mundur këtë, ministrja e arsimit Evis Kushi ka firmosur urdhrin ku shpallet konkursi mes shtëpitë botuese do të botojnë tekstet për nxënësit e klasave të para. Nesër më 12 korrik sipas urdhrit në fjalë do të shpallet fituese shtëpia botuese. Kështu anglishtja do të mësohet paralelisht me shkrim e këndim dhe do të jetë gjuhë e parë e huaj.

Për t’ua bërë sa më të lehtë vogëlushëve e për mos të shkaktuar ngarkesë, plan-programi për të mësuar anglishten do të zhvillohet kryesisht nëpërmjet lojës, vizatimeve dhe këngëve, për të vazhduar përforcimin me lexim dhe shkrim në shkallët e tjera.

Duket se vendosja e anglishtes ka gëzuar mësuesit e anglishtes që presin të rekrutohen këtë vit më shumë në numër por nga ana tjetër ka futur në ankth mësuesit e gjuhëve të tjera alternative me frikën se mos dalin jashtë loje. Por kjo do të thotë edhe kursim për xhepat e prindërve që shpenzojnë ekstra duke i regjistruar fëmijët nëpër kurse jashtëshkollore të anglishtes.

Mësimi i hershëm i anglishtes shihet si i lidhur ngushtë më njohjen dhe përdorimin e teknologjisë. Për t’i mbajtur fëmijët sa më të lidhur më teknologjinë e informacionit, këtë vit shkollor do të implementohet edhe një risi tjetër, pasi përpos anglishtes që në klasën e parë do të futet në program edhe edukim për teknologjinë dhe informacionin, po për këtë të fundit nuk ka ende shumë detaje.

Click to comment

You must be logged in to post a comment Login

Leave a Reply

To Top